ЛУНА ПЕТ ВО ЗОО СКОПЈЕ

Иако денот ни беше врнежлив од рано наутро, сепак за нас беше прекрасен ден, бидејќи однесовме мала донација на нашите пријателчиња во Зоолошката градина во Скопје.

Со цело срце одбравме производи наменети за рипчиња, глодари, пилиња и рептили и искрено се надеваме дека ќе ги израдуваме со новите акцесории.

Упатуваме голема благодарност на целиот тим од нашата прекрасна зоолошка, особено на Војо и Маја, кои ни помогнаа во реализацијата на овој наш мал проект.

Нашата зоолошка ни е во срцето, таму е нашето детство и таму имаме толку многу убави спомени. Среќни сме што ја гледаме средена и убава. Се гледа колку целиот тим прекрасно се грижи за сите животинчиња таму. Браво, секоја чест! Една мала донација, а нашите срца полни!

Ви посакуваме да имате убав ден, исто како нашиот денеска. И како што се договоривме, може времето денес не ни се погоди, но, на првото сонце доаѓаме на кафе и дружба!