ЛУНА ПЕТ НА НАЈГОЛЕМИОТ САЕМ ВО ЕВРОПА

Во периодот од 12-14 мај, традиционално, Луна пет го посети INTERZOO во Нирнберг, Германија, најголемиот саем во Европа наменет за опрема и храна за домашни миленици.

И оваа година се трудевме, колку што можевме повеќе, да Ви ја „доловиме“ извонредната атмосфера која беше тамо, преку нашите видео снимки кои тековно ги објавувавме на социјалните мрежи.

Замисли, 14 хали посветени само за нашите миленичиња, многу производи и забава на секое катче!

Се сретнавме со сите компании со кои соработуваме и видовме што ќе има ново, се запознавме со многу луѓе и се дружевме со нашите колеги.

Од саем ја црпиме нашата инспирација и новите идеи кои тамо ни се предочуваа ќе гледаме да ги спроведеме и кај нас, за заеднички да создадеме еден прекрасен свет за нашите миленици. Тоа е настанот кој го чекаме со целото срце!

До следна дружба на INTERZOO во Нирнберг.